غير مصنف

تفسير حلم الزواج من شخص متقدم للخطبة فالمنام

السلام عليكم ربنا يكرمك ان شاء الله لو فيها ازعاج عندى حلم وعندى فضول اعرف تفسيره ايه

انا فى شاب هيتقدملى وكنا كويسين وحلمت فيوم ان حنتى عملتها ولابسه فستان واتكتب كتابى عليه بس مشفتش كتب الكتاب وطلعت شقتنا بتاعتى انا وهو ودخلت وقفلت الباب بالمفتاح والترباس وجيت خلعت الفستان سمعت صوته كان نايم فالشقه ودخلت بصيت عليه كان صوته عالى جدا فالنوم

وبعدها فتحت النور ولبست هدومى عشان انزل صحا من النوم وقالى انتى خايفه منى قلتله لاء بس احنا اتفقنا انى هنام لوحدى النهارده فالشقه ومش هينفع تكون موجود بس دخلت الشقه لقيت العفش اللى جبهولى قديم وسرير الاطفال متلخلخ وهو مثبته وبقوله دا بايظ قالى لاء دا كويس وبصيت على سرير اوضه النوم معجبنيش وقلت خلاص هداريه بالضربيه ويبقا كويس وبعدها لقيت بابا وماما قالولى العفش كويس وهعديها وبابا قالى دا كويس عمالك المطبخ جمب المكتبه

وبعدها لقيت الرئيس السيسى بيدينى حلاوه زى بتاعت المولد هو فى جزء اتحقق بس مش عارفه هل الحلم اشاره من ربنا انه مش خير والموضوع مش هيكمل ولا لا هيمشى والدنيا هتتظبط فيه معلش هو طويل بس نفسى اعرف ليه تفسير ولا حلم عادى

تفسير الحلم

بسم الله الرحمن الرحيم والحمد لله رب العالمين والصلاة والسلام على سيد الخلق سيدنا محمد صل الله عليه وعلى اله وصحبه وسلم اجمعين وبعد ربما يدل على أنه فى بداية الحياة ستكون الامور فى المعيشه محدودة وربما يدل على بعض المشاكل التي تواجهك في حياتك والتحديات والصعوبات وستنتهى على خير لأن هدية الرئيس أو الحاكم كلها خير معناه ارتقاء مستوى المعيشة وتيسير فى الامور والله أعلى وأعلم

الوسوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق