خدمة تفسير احلام الزوار

تفسير رؤيا الصندل الابيض فى المنام

حلمت اني ماشيه مع والدي الله يرحمه و امي و اخويا و ابني في مول كبير و كنت لابسه في رجلي زي شبشب اسود وحش اتقطع في رجلي و انا ماشيه

لاقيت محل جميل و غالي عامل تخفيض علي صندل ابيض جميل جدا و مريح اوي سالت الراجل علي مقاسي قالي موجود ده اخر قطعه فرحت اوي و مصدقتش نفسي انه مناسب للفلوس اللي معايا احمد اخويا قالي انا كنت عارف ان ده هيعجبك لبسته فشوفت بابا وخالد ابني جمبه بيلعب جمبه قولتله خلي بالك يا بابا لحسن يقع قالي متخافيش عليه لاقيت نظارة شمس حلوه عليا والدي قالي خديها قولتله لا خلاص كفايه كده حرام ديه غاليه

صل الله عليه وسلم : ( إذا لعب الشيطان بأحدكم في منامه فلا يحدثنّ به الناس ) رواه مسلم قال

اما بالنسبه لحلم المول والشبشب  اسود وانقطع فى رجلك هو تعثرك فى الحياه والمشاكل اما شرائك صندل ابيض الصندل يدل على اشياء كثيره اما بالنسبه لحلمك يدل على بداية حياه جديده جميله وارتقاء فى مستوى المعيشه والحصول على رزق ومال وفرج وسعاده والرخاء وربما يدل ايضا على الارتباط وسوف ترضى بنصيبك وتكتفى به والله اعلى واعلم

 

Leave a Comment

1 Comment

  • السلام عليكم.
    حلمت اني داخله مخل اشتري،لاولادي احذيه للعيد و بعدين لاقيت صندل لونه بني فاتح حريمي عجبي جدا مسكته كان غالي و مقاسه كبير جدا و مكنش معايا غير فلوس للولاد كنت هرجعه مكانه لاقيت البياع بيبص عليا اتحرجت قلت هقيسه هيطلع كبير و اسيبه علشان البياع مايعرفش اني مش معايا فلوس . قعدت قسته لاقيته مقاسي بالظبط استغربت جدا و وقفت اشوفه لاقيته اصبح ابيض جميل جدا و كعبه عالي و مريح جدا و كنت فرحانه و كأني كمان اشتريت لبس جديد جيبه و بلوزه لونهم ابيض جم اختي و بنت خالتي(غير،متزوجين) قالولي اللبس جميل قلتلهم مش غريب و انا لابسه كله ابيض في،ابيض قالو،فين ده بصيت في المرايا لاقيت البلوزه جميله جدا و شيك اوي ماركه و زوقي و بيضه و الجيبه سوده ستان عاليه بردو و جميله و ماركه بس فيها فيونكات و انا بحب الحاجه بسيطه بس قلت الطقم كله كده جميل جدا و فرحت بيه جدا .سألوني اختي و بنت خالتي منين جبتي الصندل ده و كانو مبهورين بيه قلتلهم من جوه هناك فيه صنادل حلوه كتير راحو جري يشترو صنادل. بعدين لاقيت نفسي في مكان كأنه لعلاج الشعر و،لاقيت شعري،في المرايا جميل جدا و مرتب جدا جدا و لونه جميل بيلمع بضي فضي و اخضر،فاتح كان مفيش زيه في الحقيقه روحت لاني(متوفيه ) قولتلها شوفي فرحت جدا و قالتلي جميل و،قالت لاختي (هي هي اللي،في الاول) شوفي شعرها عامل ازاي شوفي،عملته فين و روحي اعمليه زيها.
    مطلقه.